უკრაინის საგარეო საქმეთა მინისტრმა, დმიტრო კულებამ Twitter-ზე დაწერა, რომ NATO-ს წევრი სახელმწიფოები შეთანხმდნენ უკრაინის NATO-ში გაწევრიანების გზის გამარტივებაზე. მისი ცნობით, უკრაინას არ დასჭირდება MAP-ი ალიანსში წევრობისთვის.
"ინტენსიური მოლაპარაკებების პროცესში, NATO-ს სახელმწიფოებმა მიაღწიეს კონსენსუსს უკრაინის NATO-ში გაწევრიანების გზიდან MAP-ის ამოღების საკითხზე. მე მივესალმები ამ გადაწყვეტილებას, რაც ამოკლებს ჩვენს გზას NATO-სკენ. ასევე, ეს არის საუკეთესო მომენტი მეტი სიცხადის შემოთავაზებისთვის უკრაინის NATO-ში გაწევრიანების შემოთავაზებაზე". - წერს კულება.
NATO-ს სამიტი ვილნიუსში 11 და 12 ივლისს გაიმართება, სადაც მთავარი განსახილველი საკითხი უკრაინის NATO-ში გაწევრიანების პერსპექტივები იქნება. ივნისში WSJ-თან ინტერვიუში უკრაინის პრეზიდენტმა ვოლოდიმირ ზელენსკიმ თქვა, რომ ვილნიუსის სამიტში მონაწილეობას უკრაინისთვის აზრი არ ექნება იმ შემთხვევაში, თუ არ მიიღებენ კონკრეტულ სიგნალს, თუ როდის გახდება უკრაინა NATO-ს წევრი.
