პანდემია მოსალოდნელზე მეტხანს გაგრძელდება, რადგანაც ღარიბ ქვეყნებში ვაქცინაციის ტემპი შეფერხებულია. ამის შესახებ ჯანმრთელობის მსოფლიო ორგანიზაციის წარმომადგენელმა ბრიუს ეილვარდმა განაცხადა.
„ეს ნიშნავს იმას, რომ კოვიდკრიზისი 2022 წელსაც გაგრძელდება. ფარმაცევტულ კომპანიებს საშუალება უნდა მიეცეთ, პრიორიტეტი დაბალი შემოსავლის მქონე ქვეყნებს მიანიჭონ. უნდა ავჩქარდეთ, თორემ პანდემია ერთი წლით კიდევ გაგრძელდება,"- აღნიშნა ეილვარდმა.
