ძლიერმა წვიმამ თბილისში ახლადაშენებული კორპუსებიც დააზიანა. სოციალურ ქსელში ვრცელდება ვიდეომასალა, სადაც ჩანს, რომ წვიმის დროს წყალი პირდაპირ ლიფტის შახტში ჩაედინება. ასეთ დროს მაღალ ძაბვაზე მომუშავე ლიფტით გადაადგილება ადამიანის სიცოცხლისთვის საშიშია.
სამშენებლო უსაფრთხოების ნორმების თანახმად, ლიფტის შახტის ზედა ნაწილი, სადაც ძრავია ჰიდროიზოლაციის ფენით უნდა იყოს დაფარული, თუმცა როგორც ჩანს, ამ ობიექტზე ეს სამშენებლო ნორმა დარღვეულია. ამავე ვიდეომასალაში ჩანს, რომ წყლის ძლიერი ნაკადი მოედინება სადარბაზოს უჯრედშიც.
