ფოთისა და ხობის მიტროპოლიტი, მეუფე გრიგოლი რუსთავის ციხეში საქართველოს მესამე პრეზიდენტის, მიხეილ სააკაშვილის მოსანახულებლად მივიდა.
შეგახსენებთ, მეუფე გრიგოლი ერთ-ერთია სინოდის წევრებს შორის, რომელმაც მიხეილ სააკაშვილის გათავისუფლების მოთხოვნით შექმნილ პეტიციას ხელი მოაწერა.
ციხეში შესვლამდე მან მედიასთან კომენტარი არ გააკეთა.
ცნობისთვის, მიხეილ სააკაშვილი საქართველოში 1-ლ ოქტომბერს დააკავეს. დაკავებისთანავე მან შიმშილობა გამოაცხადა და უკვე 29 დღეა, საკვები არ მიუღია. ექიმების განცხადებით, მისი ჯანმრთელობის მდგომარეობა მძიმდება. მათივე თქმით, შიმშილობის პირობებში შესაძლოა საქართველოს მესამე პრეზიდენტისთვის სიცოცხლისთვის ძალიან სახიფათო გახდეს.
