მუქარა და ძალადობა ჟურნალისტზე - 30 ოქტომბერს, არჩევნების დღეს, TV 25-ის ჟურნალისტის მუქარისა და ძალადობის ფაქტზე გამოძიება დაიწყო.
ჟურნალისტი გამომძიებლებმა გამოკითხეს და უთხრეს, რომ გამოძიება დაწყებულია, თუმცა შინაგან საქმეთა სამინისტრო ამ დრომდე ოფიციალურად არ ადასტურებს გამოძიების დაწყებას.
„მითხრეს, რომ იყვნენ „ქართული ოცნებიდან", სიტყვიერი შეურაცხყოფა მომაყენეს და ხელი მკრეს, ერთხელ ისე მიბიძგეს, ოპერატორმა შემაკავა, თორემ დავეცემოდი... თავდასხმის მიზეზი იყო კითხვები. გაღიზიანდნენ, რატომ დავსვი კითხვები ამომრჩევლების მობილიზებაზე," - განაცხადა თეონა ფუტკარაძემ.
შეგახსენებთ:
არჩევნების მეორე ტურის შემდეგ გამოძიება რამდენიმე ფაქტზე დაიწყო, მათ შორის, ჟურნალისტებზე ძალადობის გამო.
