პრეზიდენტის როლი იყო თანამზრახველის ფინანსური სისტემის ჩამოქცევის მცდელობაში - ამის შესახებ ფრაქცია "ოცნების" თავმჯდომარემ მამუკა მდინარაძემ განაცხადა.
მდინარაძის თქმით, სალომე ზურაბიშვილის მხრიდან კანდიდატების დაბარება და მათთვის თხოვნა განცხადებების დაწერის თაობაზე, სხვა არაფერია თუ არა მონაწილეობა ფინანსური სისტემის ჩამონგრევის და ჩამოქცევის მცდელობაში.
"პრეზიდენტის როლი იყო თანამზრახველის როლი ფინანსური სისტემის ჩამოქცევის მცდელობაში. ეროვნულ ბანკში გარკვეულ რაოდენობაზე ნაკლები რომ დარჩეს, უფლებამოსილი აღარ არის საბჭო და ამ პირობებში, თავის წარმოდგენილ კანდიდატებს რომ უკან იწვევს და მერე აღმოაჩენს, რომ არ არის ასეთი ნორმა, რომელიც ამას ითვალისწინებს, შემდეგ იბარებს კანდიდატს და იქა რაღაცებს ელაპარაკება, რომ მან თავად დაწეროს განცხადება, რომ არ მიიღოს ამაში მონაწილეობა, ეს არის თუ არა ფინანსური სისტემის ჩამონგრევის და ჩამოქცევის მცდელობა? - ამბობს მდინარაძე
