„იმატებს რეანიმაციულ განყოფილებაში პაციენტების რაოდენობა," - განაცხადა დღეს, 3 ნოემბერს ჯანდაცვის მინისტრის მოადგილე თამარ გაბუნიამ ქვეყანაში შექმნილ ეპიდვითარებაზე საუბრისას.
„ჯერჯერობით ნაკადების მართვა ხერხდება, თუმცა მინდა აღვნიშნო ისიც, რომ იმატებს რეანიმაციულ განყოფილებაში პაციენტების რაოდენობა. 330-ს გადააჭარბა უკვე ამ დილის მდგომარეობით. ჯერჯერობით მართვა შესაძლებელია დამატებითი საველე რესურსის მობილიზების გარეშე. ბინაზე ბევრი პაციენტი მკურნალობს. ასევე, ჯერჯერობით არის კოვიდსასტუმროების რესურსი, რომელიც ამ ეტაპზე მინიმალურად არის დატვირთული. ვფიქრობთ, რამდენიმე დღე ჯერ კიდევ გვექნება შესაძლებლობა, რომ იმართოს აქტიურად პაციენტების ნაკადები. თუმცა, ეს ვერ იქნება უსასრულო და ამის პარალელურად მნიშვნელოვანია, ისევ და ისევ ვაქცინაციის პროგრამის გააქტიურება," - თქვა გაბუნიამ.
