„მისი გადაწყვეტილება არის სრულ ჰარმონიაში სამივე პრინციპთან", - განაცხადა დღეს, 4 ნოემბერს, „ოცნების" დეპუტატმა, ნინო წილოსანმა საქართველოს მეხუთე პრეზიდენტის, სალომე ზურაბიშვილის გუშინდელი განცხადების კომენტირებისას.
შეგახსენებთ: სალომე ზურაბიშვილმა საგანგებო ბრიფინგზე კიდევ ერთხელ განაცხადა, რომ პოზიციას არ შეიცვლის და მესამე პრეზიდენტს არ შეიწყალებს.
„სალომე ზურაბიშვილი წარმოადგენს საქართველოს პრეზიდენტს, ის წარმოადგენს საქართველოს ინტერესებს, ის წარმოადგენს საქართველოს მოსახლეობის უმრავლესობას და მისი გადაწყვეტილება არის სრულ ჰარმონიაში ამ სამივე პრინციპთან. პირადად მე, ვეთანხმები და მადლობას ვუხდი ამ ძალიან პრინციპული პოზიციისთვის", - განაცხადა წილოსანმა.
