„მივმართავ ქალბატონ ნინო ლომჯარიას, რომ მოგვხედოს, აქ დარღვეულია აბსოლუტურად ყველა ადამიანის უფლებები,"- განაცხადა დღეს, 8 ნოემბერს, სალხინოს მამათა მონასტრიდან განკვეთილმა ბერმა ანთინოგენემ.
"დაიჭირეს, შალვა ხელიდან ამართვეს, პირველი ჯგუფის ინვალიდი, რომელსაც მხედველობის პრობლემა აქვს და უჭირს გადაადგილება. მას აბრალებენ მილიციაზე ზეწოლას. ეს ჩაწერილიცაა, ტყუილია ეს ყველაფერი და დღეს ექნებათ სასამართლო. მივმართავ ქალბატონ ნინო ლომჯარიას რომ მოგვხედოს, აქ დარღვეულია აბსოლუტურად ყველა ადამიანის უფლებები," - განაცხადა ბერმა.
შეგახსენებთ: ჭყონდიდის ეპარქიაში სასულიერო პირებს შორის დაპირისპირება 2019 წლიდან, მას შემდეგ დაიწყო, რაც ეპარქიის ყოფილი წინამძღვარი პეტრე ცაავა საპატრიარქომ მღვდელმთავრობიდან გაათავისუფლა.
მიტროპოლიტ სტეფანეს წინააღმდეგ სალხინოს მონასტრის მიმდებარედ აქციები იმართება. ერთ-ერთი ასეთი დაპირისპირებისას, გუშინ, 7 ნოემბერს, 2 პირი დააკავეს.
