„ვარდების რევოლუციის" გმირი რომ გისოსების უკან წევს, ეს მე არ მომწონს, ამით ვერ ვიქნები კმაყოფილი," - განაცხადა დღეს, 22 ნოემბერს საქართველოს მესამე პრეზიდენტის დედამ, გიული ალასანიამ გორის ჰოსპიტალში მიხეილ სააკაშვილთან შეხვედრის შემდეგ.
შეგახსენებთ: მიხეილ სააკაშვილი გორის სამხედრო ჰოსპიტალში 19 ნოემბერს გადაიყვანეს და იგი კონსილიუმის ექიმების მიერ შედგენილი პროტოკოლით მკურნალობს.
„გაღებულია, ოღონდ იმ სარკმელზე არის გისოსები, რაც ძალიან დამთრგუნველია, მით უმეტეს, რომ გავიხსენოთ, რა თარიღია ხვალ, ამის ფონზე, ძალიან დამთრგუნველი და არაბუნებრივი სრულიად. არის ეს ნორმალური ვითარება? არ არის," - ამბობს ალასანია
გიული ალასანია ასევე, გამოეხმაურა სასჯელის გადავადებას და თქვა, რომ ამ თემაზე არ უსაუბრიათ:
"მე საერთოდ თავისუფლებაზე ვილაპარაკებდი. ექიმები აკეთებენ ყველაფერს, რაც შეუძლიათ და კარგი შთაბეჭდილება დატოვეს ჩემზე," - ამბობს გიული ალასანია.
