„საუბარი, რომ გირგვლიანის თემა "პიარული" ნაწილია პოლიტიკისა, საკმაოდ მდარე თავის მართლებაა", - განაცხადა დღეს, 30 ნოემბერს, პარლამენტის პირველმა ვიცე-სპიკერმა, გია ვოლსკიმ.
შეგახსენებთ: საქართველოს მესამე პრეზიდენტმა, მიხეილ სააკაშვილმა გუშინ, 29 ნოემბერს, სასამართლო პროცესზე განაცხადა, რომ „არანაირი „გირგვლიანის საქმე" არ არის და ასე პიარისთვის დაარქვეს".
„ის ოფიცრები დაკავებულები იყვნენ, 2008 წლის ომის შემდეგ მოხდა 280 სამხედროს ამნისტია, მათ შორის, ერთი, ჩემ მიერ ამნისტირებული თმებით დამათრევდა გლდანის დაწესებულებაში", - განაცხადა სააკაშვილმა.
„შთაბეჭდილება საკმაოდ მძიმეა - მესამე პრეზიდენტი მოხვდა განსასჯელის სკამზე, დანაშაულები თვალხილულია, ეს დანაშაულები მოხდა. იმაზე საუბარი, რომ გირგვლიანის თემა "პიარული" ნაწილია პოლიტიკისა, საკმაოდ მდარე თავის მართლებაა, ამას თავის მართლებაც არ ჰქვია, უზნეობასთან უფრო ახლოს არის. რუსული თემის ექსპლუატაციას რაც შეეხება, ეს თავის ძველი პოზიციების გადამღერებაა. თუ ვინმეს აწყობს დაძაბულობა, რაც სააკაშვილმა ქვეყანაში შექმნა, თუნდაც უკრაინაში მისი საქმიანობა, ეს მოსკოვია და პუტინის ასე ხშირად ხსენება ამ კონტექსტში მის საქციელს არ შეესაბამება. თუ ვინმემ რამე გააკეთა სახელმწიფოში, რათა რუსეთს თავის სტრატეგიული გეგმების რეალიზაცია მოეხდინა, ეს არის სააკაშვილი და მისი გარემოცვის გარკვეული ნაწილი,"- განაცხადა ვოლსკიმ.
