„მე იურიდიულ კომიტეტს ვენდობი", - განაცხადა დღეს, 1-ელ დეკემბერს, საპარლამენტო უმრავლესობის წევრმა, ლადო კახაძემ უზენაესი სასამართლოს მოსამართლეობის კანდიდატებისთვის კომიტეტის მიერ მხარდაჭერაზე საუბრისას.
„როდესაც გაჭირვებულ მდგომარეობაში ხარ და ოპერაცია უნდა გაუკეთოს ვიღაც დიდმა კორიფემ, იმ კორიფეს სახელსა და გვარს გაიგონებთ, რეკომენდაციას მიიღებთ, მის ისტორიას თქვენ არ კითხულობთ...მე იურიდიულ კომიტეტს ვენდობი", - განაცხადა კახაძემ.
შეგახსენებთ: იურიდიულმა კომიტეტმა უზენაესი სასამართლოს უვადო მოსამართლეობის ოთხივე კანდიდატს მხარი დაუჭირა.
