„კალა, თბილისი მარტო ჭავჭავაძის პროექტი არ არის", „ალა შენ რომ შენი ჯიბე გგონია, ეგ თბილისელების ბიუჯეტია!", - ამ წარწერებით და მსგავსი შინაარსის ბანერებით აქციის მონაწილეებმა საკრებულოს შენობასთან პოსტერები მიიტანეს.
ამ წუთებში თბილისის საკრებულოს შენობის წინ სხდომის პარალელურად აქციას მართავენ.
შეგახსენებთ: დღეს, 7 დეკემბერს, საკრებულოში სხდომა მიმდინარეობს, რომელზეც თბილისის მერი, კახა კალაძე დედაქალაქის მთავრობის შემადგენლობას წარადგენს. ამის შემდეგ საკრებულო თბილისის რაიონების გამგებლების არჩევას უყრის კენჭს.
სხდომას ესწრებიან ოპოზიციური პარტიები, მათ შორის "ნაციონალური მოძრაობის" წევრებიც.
ოპოზიციის თქმით, „მთავრობის შემადგენლობა უცვლელი იქნება და ეს იმას ნიშნავს, რომ კალაძე მუშაობას ისევ "კორუფციული მეთოდებით განაგრძობს". - აცხადებენ ოპოზიციის წევრები.
