აშშ-ის პრეზიდენტმა, ჯო ბაიდენმა ექსპრეზიდენტი დონალდ ტრამპი „ლუზერად“ მოიხსენია. ჯო ბაიდენი სამხრეთ კაროლინაში წინასაარჩევნო კამპანიის ფარგლებში ამომრჩევლებს ხვდებოდა, სადაც მან სიტყვით გამოსვლისას არაერთხელ გააკრიტიკა დონალდ ტრამპი სხვადასხვა დროს გაკეთებული მისი გამონათქვამების გამო.
„დონალდ ტრამპმა, როდესაც ის მთავარსარდალი იყო, უარი თქვა პარიზის გარეუბანში ამერიკელი დაცემული გმირების სასაფლაოს მონახულებაზე და ეს გმირები, ვციტირებ, სულელებად და „ლუზერებად“ მოიხსენია. მან მართლა ასე თქვა.
როგორ ბედავს ამის თქმას? როგორ ბედავს ამის თქმას ჩემს შვილსა და სხვა ოფიცრებზე? მე მათ პატრიოტებს ვეძახი. ერთადერთი „ლუზერი“, რომელსაც ვხედავ, დონალდ ტრამპია“, – განაცხადა ბაიდენმა.
