რუსეთის მიერ დაწყებული ომი უკრაინის ფრონტზეა, მაგრამ მისი სამიზნე არ არის მხოლოდ ჩვენი სახელმწიფო, არა მხოლოდ ჩვენი დამოუკიდებლობა, – ამის შესახებ უკრაინის პრეზიდენტმა, ვოლოდიმირ ზელენსკიმ ვიდეომიმართვისას განაცხადა.
უკრაინის პრეზიდენტის თქმით, ქვეყნის ხელისუფლება ყველაფერს აკეთებს სხვადასხვა იურისდიქციებში მიმოფანტული რუსული აქტივების კონფისკაციისთვის.
„ამ კვირაში ჩვენ გვაქვს ახალი გადაწყვეტილებები ჩვენი ქვეყნის მხარდაჭერის შესახებ გერმანიიდან და ნიდერლანდებიდან. ლუქსემბურგი შეუერთდა ჩვენს საავიაციო კოალიციას. ლიეტუვას ახალი პაკეტი აქვს. კანადის საგარეო საქმეთა მინისტრთან განვიხილეთ თავდაცვის სფეროში შემდგომი თანამშრომლობა. კრიტიკული მნიშვნელობის თავდაცვის კონტრაქტები ხორციელდება. მიმდინარეობს საჰაერო თავდაცვის გაძლიერება. დაიმახსოვრეთ: რუსეთის მიერ დაწყებული ომი უკრაინის ფრონტზეა, მაგრამ მისი სამიზნე არ არის მხოლოდ ჩვენი სახელმწიფო, არა მხოლოდ ჩვენი დამოუკიდებლობა. ამიტომ, გადამწყვეტი მნიშვნელობა აქვს თავისუფალი სამყაროს მაქსიმალურად კონსოლიდაციის შენარჩუნებას და ყველაფრის გაკეთებას, რაც შეიძლება და შეუძლებელია, რომ უკრაინამ რუსეთს მარცხი მიაყენოს. მოსკოვს სხვა ენა არ ესმის. ჩვენ ვაგრძელებთ პარტნიორებთან მუშაობას რუსეთის წინააღმდეგ ახალ სანქციებთან დაკავშირებით და სანქციების გვერდის ავლით რუსული სქემების ბლოკირებასთან დაკავშირებით“, – განაცხადა ვოლოდმირ ზელენსკიმ.
