საქართველოს ყოფილი პრეზიდენტის მიხეილ სააკაშვილის დედის, გიული ალასანიას განცხადებით, მიხეილ სააკაშვილს აშკარად აქვს გამოხატული სისუსტე და გადაადგილება უჭირს.
„ვერ დადის სწორ ხაზზე. რომ გაატარებენ, იმ მომენტში მარჯვენა მხარეს თუ ვინმე არ იქნება, შეიძლება, დაეცეს. ეს ხდება მარჯვენა მხარეს. კიდევ მზერა, ნევროპათოლოგი რომ სინჯავს, მარჯვენა თვალი ვერ მიყვება. აშკარად აქვს სისუსტე, ჩემი შთაბეჭდილებები რაც არის", - აღნიშნა გიული ალასანიამ.
ამასთან, გიული ალასანია ამბობს, რომ მიხეილ სააკაშვილს შესაბამისი რეაბილიტაცია სჭირდება. მისივე თქმით, ცენტრ „ემპათიას„ დასკვნა მისთვის მისაღებია.
„დასკვნა აბსოლუტურად მისაღებია. ნორმალური, შესაფერისი რეაბილიტაცია სჭირდება ადამიანს. არ ვიცი, რამდენად უშველის ეს რეაბილიტაცია, ყოველ შემთხვევაში, ამის გარეშე რომ ძალიან ცუდად იქნება საქმე, ამ დაკსვნიდანაც ჩანს", - განაცხადა გიული ალასანიამ.
