„თუკი ჯანმრთელობის მდგომარეობა მისცემს მას შესაძლებლობას, ის მონაწილეობას მიიღებს ყველა "სასამართლო განხილვაზე"",-განაცხდა, დღეს, 20 დეკემბერს, გორის სამხედრო ჰოსპიტალთან, საქართველოს მესამე პრეზიდენტის ადვოკატმა დიმიტრი საძაგლიშვილმა.
მისივე თქმით, მიხეილ სააკაშვილს ჯანმრთელობის ფუნდამენტური პრობლემები აქვს და ის რეაბილიტაციას აგრძელებს.
"ბუნებრივია შევეხეთ სასამართლო პროცესებს, რომლებიც ამ კვირაში გაიმართება და ვისაუბრეთ ამ პროცესებში მონაწილეობაზე, თუკი ჯანმრთელობის მდგომარეობა მისცემს მას შესაძლებლობას, ის მონაწილეობას მიიღებს ყველა "სასამართლო განხილვაზე" რაც მიმდინარეობს ქართულ სასამართლოში მის მიმართ.
ასევე, ბუნებრივია, ჩვენ შევეხეთ ხვალინდელ აქციას, მიხეილ სააკაშვილის მოსაზრებით, ძალიან მნიშვნელოვანია ახლა ქართული საზოგადოების მშვიდობიანი, მძლავრი და მწყობრი პროტესტი", - განაცხადა საძაგლიშვილმა.
