სოციალურმა ქსელებმა, „ფეისბუქმა“ და „ინსტაგრამმა“ მუშაობა განაახლეს.
მომხმარებლებისთვის სოციალური ქსელები საათზე მეტი ხნის განმავლობაში იყო მიუწვდომელი.
სოციალურ ქსელებს პრობლემა ჰქონდათ არა მხოლოდ საქართველოს ტერიტორიაზე, არამედ მსოფლიოს სხვა ქვეყნებშიც.
კომპანია „მეტას“ გათიშვის მიზეზებზე ამ დროისთვის ინფორმაცია არ გაუვრცელებია.
სოციალური ქსელების მიერ მუშაობის განახლებამდე, „მეტას“ პრესსპიკერმა „ტვიტერზე“ დაწერა, რომ სერვისებზე წვდომაზე პრობლემის შესახებ ინფორმირებული იყვნენ და პრობლემის აღმოფხვრაზე მუშაობდნენ.
