"ეს არის ნათელი მაგალითი სახეახეული ჩიქოვანის",-განაცხადა ენმ-ის ბათუმის საკრებულოს წევრმა რეზო ხარაზმა.
ცნობისთვის,
დაპირისპირებაა ბათუმში ოპოზიციის დეპუტატებსა და სამართალდამცველებს შორის მოხდა, სამართალდამცავებს ოპოზიციის წევრები მერიიდან ძალის გამოყენებით გაჰყავთ.
"ნაციონალური მოძრაობა'' ბათუმის მერთან შეხვედრას ითხოვდა, თუმცა მათთან შესახვედრად არჩილ ჩიქოვანი არ მივიდა. ოპოზიციონერები ჩიქოვანის კაბინეტის წინ, ბრიფინგის ოთახში შევიდნენ, საიდანაც პოლიციამ მათი ძალის გამოყენებით გაყვანა დაიწყეს.
"ეს არის ნათელი მაგალითი სახეახეული ჩიქოვანის. ჩემს უფლებამოსილებას ხომ არღვევ, პოლიცია ხომ მომიქსიე, კორუმპირებულო და ნუგზარ ფუტკარაძის მკვლელობაში ეჭვმიტანილო ადამიანო. ეს პოლიციელებიც არიან ივანიშვილის გოშიებო",- განაცხადა ხარაზმა
შეგახსენებთ, ოპოზიციას კითხვები არჩილ ჩიქოვანთან აუდიტის დასკვნასთან დაკავშირებით აქვს. მათ აინტერესებთ რატომ არ წყდება სამუშაო პროცესი ე.წ. ჩინურ კვარტალში, რომელშიც აუდიტის დასკვნის მიხედვით, უკანონო მშენებლობა მიმდინარეობს.
ამავდროულად არსებობს ბათუმის საქალაქო სასამართლოს გადაწყვეტილება, რომ მშენებლობა უნდა შეჩერდეს, რაც ამ დრომდე არ სრულდება.
ხელისუფლების ოპონენტები ამბობენ, რომ ნაპირსამაგრი სამუშაოები არ სრულდება, რის გამოც ყოველი შტორმისა და უამინდობის დროს პრობლემები იქმნება.
