საქართველოს პრემიერ-მინისტრ ირაკლი ღარიბაშვილს კორონავირუსის „ომიკრონ" შტამი დაუდასტურდა. ამის შესახებ ინფორმაციას პრემიერ-მინისტრის პრესსამსახური ავრცელებს.
მათივე ცნობით, ირაკლი ღარიბაშვილი თავს კარგად გრძნობს და მუშაობას დისტანციურ რეჟიმში განაგრძობს.
„პრემიერ-მინისტრი სრულად ვაქცინირებულია. მას „კოვიდ-19" გეგმური ტესტირების ფარგლებში დაუდასტურდა", - აცხადებენ პრემიერ-მინისტრის პრესსამსახურში.
ირაკლი ღარიბაშვილი კორონავირუსით გასული წლის აპრილშიც იყო ინფიცირებული.
