ყვარლის მუნიციპალიტეტის სოფელ შილდის ტყეში ხანძარია. არსებული ინფორმაციით, ცეცხლი ტყის ქვედა საფარს უკიდია.
ადგილზე მობილიზებულია სახანძრო-სამაშველო სამსახურის რამდენიმე ჯგუფი, თუმცა ცეცხლი მიუვალ ადგილზეა გავრცელებული და სპეციალური ტექნიკა მუშაობას ამ დრომდე ვერ იწყებს.
მეხანძრე-მაშველები და მოხალისეები ადგილამდე ფეხით მივიდნენ. სამუშაოებს ძლიერი ქარი აფერხებს.
ყვარლის ტყეებში მიმდინარე კვირის განმავლობაში ეს ხანძრის მეორე შემთხვევაა.
