დღითიდღე აშკარა ხდება ღრმა კრიზისი, რომელიც „ნაციონალურ მოძრაობაშია", - ამის შესახებ საპარლამენტო უმრავლესობის წევრმა, რატი იონათამიშვილმა განაცხადა.
მისივე თქმით, პარტიას წლების განმავლობაში არ ჰქონია არც ერთი მცდელობა, რაიმე პოზიტიური საკითხი შემოეტანა დღის წესრიგში.
„დღითიდღე აშკარა ხდება საზოგადოებისთვის ის ღრმა კრიზისი, რომელიც არსებობს „ნაციონალურ მოძრაობაში". როგორც ჩანს, ამ პარტიის ლიდერები ხელს უწყობენ კრიზისის გამძაფრებას. ეს არის ბუნებრივი და კანონზომიერი, რადგან ამ პარტიას ამდენი წლის მანძილზე არ ჰქონია არც ერთი მცდელობა, თუნდაც რაიმე პოზიტიური საკითხი შემოეტანათ დღის წესრიგში. ისინი რითაც არიან დაკავებული, ესაა ურთიერთლანძღვა, ურთიერდაპირისპირება და ერთმანეთისთვის გადაბრალება პასუხისმგებლობის. სინამდვილეში, პასუხისმგებლობის აღების უნარი არც მელიას აქვს, მით უმეტეს არც ბარამიძეს და არც სააკაშვილს. ამიტომ რაც მეტს ილაპარაკებენ, კიდევ მეტად დაინახავს საზოგადოება ამ სავალალო სურათს", - განაცხადა რატი იონათამიშვილმა.
