გერმანიის კანცლერი, ოლაფ შოლცი აცხადებს, რომ უკრაინასთან დაკავშირებით სამშვიდობო პროცესზე გადასვლა უნდა დაჩქარდეს.
„მჯერა, ახლა დროა ვიმსჯელოთ, როგორ შეგვიძლია უფრო სწრაფად გამოვიდეთ ამ ომის სიტუაციიდან და მივაღწიოთ მშვიდობას“, - აღნიშნა შოლცმა გერმანიის საზოგადოებრივ მაუწყებელთან, ZDF-თან ინტერვიუში, რომლის ფრაგმენტებიც კვირას გამოქვეყნდა.
მისი თქმით, მხარს უჭერს რუსეთის მონაწილეობას მეორე „მშვიდობის სამიტში“. კანცლერის თქმით, მოსკოვის ყოფნის აუცილებლობის საკითხზე ბერლინი ეთანხმება უკრაინის პრეზიდენტის, ვოლოდიმირ ზელენსკის პოზიციას.
"აუცილებლად იქნება კიდევ ერთი სამშვიდობო კონფერენცია", - აღნიშნა შოლცმა, თუმცა კონკრეტული თარიღები არ დაუსახელებია.
ამასთან, მისი თქმით, ძალიან კონფიდენციალური საუბარი ჰქონდა ვოლოდიმირ ზელენსკისთან.
