ისრაელის თავდაცვის მინისტრის, იოავ გალანტის განცხადებით, ისრაელის საბოლოო სამხედრო პასუხი ირანზე „ლეტალური, ზუსტი და განსაკუთრებით გასაკვირი იქნება“.
„ისინი ვერ გაიგებენ, რა მოხდა და როგორ. სარდლობის მთელი ჯაჭვია და ორიენტირებულია ამ საკითხზე“, - აღნიშნა გალანტმა.
მისივე თქმით, ირანის მიერ ისრაელის წინააღმდეგ 1-ელი ოქტომბერს განხორციელებული აგრესიული თავდასხმა ჩაიშალა, რადგან ის არაზუსტი იყო.
გალანტის მტკიცებით, ირანის სარაკეტო თავდასხმის შედეგად ისრაელის საჰაერო ძალებს დანაკარგები არ განუცდიათ და არც ჯარისკაცები ან მშვიდობიანი მოქალაქეები დაშავებულან.
