თბილისში ყველა მშვიდობიანი აქციის მონაწილეს სოლიდარობას ვუცხადებ, თქვენით ვამაყობ! - ამის შესახებ გერმანიის ბუნდესტაგის საგარეო საქმეთა კომიტეტის თავმჯდომარე, მიხაილ როთი სოციალურ ქსელში წერს.
„მეგობრებო, საქართველოს შეხედეთ! თბილისში ყველა მშვიდობიანი აქციის მონაწილეს სოლიდარობას ვუცხადებ. თავისუფლებისა და დემოკრატიისთვის ბრძოლა ამად ღირს! დანებება ალტერნატივა არ არის. მადლობა საქართველოში ყველა თავდადებულ ევროპელს. თქვენით ვამაყობ!“, - წერს მიხაილ როთი.
