ე.წ. პარლამენტმა ე.წ. მთავრობას ნდობა გამოუცხადა. ე.წ. განახლებულმა მინისტრთა კაბინეტმა ე.წ. პარლამენტის ნდობა 84 ხმით, ერთხმად მიიღო, რის შემდეგაც სახელმწიფო ჰიმნი შესრულდა.
ე.წ. პარლამენტის პლენარულ სხდომაზე თავდაპირველად ე.წ. პრემიერ-მინისტრის პოსტზე წარდგენილი ირაკლი კობახიძე გამოვიდა, რომელმაც “ქართული ოცნების“ დეპუტატებს სამთავრობო პროგრამა გააცნო. ამის შემდეგ სიტყვით უმრავლესობის ლიდერი მამუკა მდინარაძე გამოვიდა.
პლენარულ სხდომაზე კითხვები კობახიძის მისამართით არ დასმულა. მდინარაძის გამოსვლის შემდეგ კენჭისყრა ჩატარდა და ე.წ. პარლამენტის სხდომა დასრულდა.
სესიამდე ე.წ. მინისტრობის კანდიდატებს “ქართული ოცნების“ დეპუტატებმა კომიტეტებისა და ფრაქციის ფორმატში მოუსმინეს.
