"უნდა შეიქმნას საზოგადოებრივი ფონდი, რათა საჯარო მოხელეები და პატიმრები დაცული იყვნენ... მინდა, მივიდეთ ბიზნესთან და ვუთხრათ რას ველოდებით მათგან" - ამის შესახებ საქართველოს მეხუთე პრეზიდენტი სალომე ზურბიშვილი აცხადებს.
სალომე ზურაბიშვილმა „ფორმულასთან“ ინტერვიუში განაცხადა, რომ საჭიროა ერთობა, რათა ევროპელ პარტნიორებს გზავნილები მიეწოდოთ.
"ქვეყნისთვის ოპოზიციის საქმიანი ერთობა უნდა შედგეს. ქვეყნის მთავარი გზავნილები ერთად უნდა იყოს მიტანილი [პარტნიორებთან], ამიტომ ისინი შევკრიბე იმისთვის რომ მომეყოლა, რა მოხდა მიუნხენში, რა გზავნილები იყო და რა მივიღე - ჩვენი ერთიანი გზავნილია არჩევნები და მხოლოდ არჩევნები, სხვა გზა არ არსებობს. ამას თუ ყველა ერთად ჩვენ უცხოელ პარტნიორებს გავაგებინებთ, მეტ მხარდაჭერასაც მივიღებთ.
შევკრიბე პოლიტიკური პარტიები, არასამთავრობოები, ფინანსისტები, ეკონომისტები, იურისტები, პატიმრების ოჯახები, საჯარო მოხელეები და ჩემია აზრია, რომ ამ პლატფორმებს შორის არის საერთოს საკითხები, რომელიც ერთად უნდა გადავწყვიტოთ. მაგალითად ერთ-ერთი საკითხია საზოგადოებრივი ფონდის შექმნა, რომ საჯარო მოხელეები და პატიმრები დაცული იყვნენ და ეს დაცულობა იგრძნონ პოლიტიკური პარტიებისგან, ჩვენგან როგორც პრეზიდენტისგან და ბიზნესისგან. მინდა ბიზნესთან ერთად მივიდეთ ამ პლატფორმების წარმომადგენლები და ვუთხრათ, მათგან რას ველოდებით", - განაცხადა სალომე ზურაბიშვილმა.
