თბილისის საქალაქო სასამართლოში აქციების დროს დაკავებული ექიმის, გიორგი ახობაძის სასამართლო სხდომა დამსწრე პირებისთვის სრულად დაიხურა.
მოსამართლის გადაწყვეტილებით სხდომათა დარბაზიდან მედიის წარმომადგენლებიც გაუშვეს.
მოსამართლეს ბრალდების მხარემ შუამდგომლობით მიმართა, რომ სხდომა დაეხურა, რადგან სხდომაზე სიმშვიდე ყოფილიყო. აღნიშნული შუამდგომლობა კი მოსამართლემ დააკმაყოფილა.
მოსამართლის გადაწყვეტილებას დამსწრე პირების მხრიდან გაღიზიანება და ხმაური მოჰყვა.
ცნობისთვის, ექიმი გიორგი ახობაძე 7 დეკემბერს, რუსთაველზე გამართული საპროტესტო აქციიდან სახლში დაბრუნებისას დააკავეს. მას ბრალი სისხლის სამართლის კოდექსის 260-ე მუხლის მე-6 ნაწილით წარედგინა, რაც დიდი ოდენობით ნარკოტიკული საშუალებების უკანანო შეძენა-შენახვას გულისხმობს. აღნიშნული დანაშაული 8-დან 20-წლამდე ან უვადო თავისუფლების აღკვეთას ითვალისწინებს.
