არსებული ინფორმაციით, პარლამენტის მიმდებარე ტერიტორიაზე, აქციაზე პოეტი ზვიად რატიანი დაკავეს. ინფორმაციას სოციალურ ქსელებში აქტივისტები ავრცელებენ.
ასევე, სოციალურ ქსელში გვერდი - "protest24" ზვიად რატიანის დაკავების კადრებს ავრცელებს.
კადრებში ჩანს, რომ მას პოლიციის მანქანაში სვამენ.
რატიანი სავარაუდოდ სისხლის სამართლის კოდექსით არის დაკავებული.
გავრცებულ ვიდეოში საპატრულო პოლიციის ერთ-ერთი ხელმძღვანელი, დავით მამაგეიშვილი აცხადებს, რომ პოლიციელს დაარტყა.
"პოლიციის თანამშრომელთან მივიდა და ხელი დაარტყა, სრულიად უმიზეზოდ", - აცხადებს პოლიციელი.
პარლამენტის მიმდებარედ, საპროტესტო აქციაზე პოეტი ზვიად რატიანი სისხლის სამართლის კოდექსით, პოლიციელზე თავდასხმის ბრალდებით დააკავეს.
როგორც “ინტერპრესნიუსს” შინაგან საქმეთა სამინისტროში განუცხადეს, რატიანი სისხლის სამართლის კოდექსის 353-ე პრიმა მუხლით დააკავეს, რაც პოლიციელზე თავდასხმას გულისხმობს.
დანაშაული 4-დან 7 წლამდე ვადით თავისუფლების აღკვეთას ითვალისწინებს.
შეგახსენებთ, რატიანი პარლამენტის მიმდებარედ 23 ივნისის ღამით დააკავეს.
სოციალურ ქსელში გავრცელებულ ვიდეოში საპატრულო პოლიციის ერთ-ერთი ხელმძღვანელი დავით მამაგეიშვილი აცხადებს, რომ რატიანმა პოლიციელს ფიზიკური შეურაცხყოფა მიაყენა: „პოლიციის თანამშრომელთან მივიდა და ხელი დაარტყა, სრულიად უმიზეზოდ“, - აცხადებს მამაგეიშვილი.
