ემანუელ მაკრონი - საფრანგეთი, გერმანია და დიდი ბრიტანეთი უკრაინის მხარდაჭერის ერთგულები რჩებიან, უკრაინის მომავალი უკრაინელების გარეშე ვერ გადაწყდება
10.08.2025 ნახვები: 501
საფრანგეთი, გერმანია და დიდი ბრიტანეთი უკრაინის მხარდაჭერის ერთგულები რჩებიან, უკრაინის მომავალი უკრაინელების გარეშე ვერ გადაწყდება, ევროპელები აუცილებლად იქნებიან მოგვარების ნაწილი,- ამის შესახებ საფრანგეთის პრეზიდენტი, ემანუელ მაკრონი X-ის საკუთარ გვერდზე წერს.
„ამ წამს კიდევ ერთხელ ვესაუბრე პრეზიდენტ ზელენსკის, ასევე კანცლერ მერცსა და პრემიერ-მინისტრ სტარმერს.
ვრჩებით ერთგულები მხარი დავუჭიროთ უკრაინას, ერთიანობის სულისკვეთებით ვიმუშაოთ და იმას დავაშენოთ, რაც „მსურველთა კოალიციის“ ფარგლებში განხორციელდა.
უკრაინის მომავალი ვერ გადაწყდება უკრაინელების გარეშე, რომლებიც სამ წელზე მეტია საკუთარი თავისუფლებისთვისა და უსაფრთხოებისთვის იბრძვიან.
ევროპელები აუცილებლად იქნებიან მოგვარების ნაწილი, ვინაიდან მათი საკუთარი უსაფრთხოებაა სასწორზე.
გავაგრძელებ პრეზიდენტ ზელენსკისთან და ჩვენს ევროპელ პარტნიორებთან მჭიდრო კოორდინაციას“, - წერს მაკრონი.
გოჩა მირცხულავა: ეპისკოპოსებს თუ არ სურთ, რომ ხელისუფლების ინსტრუმენტები გახდნენ, მაშინ დამოუკიდებელ
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
გოჩა მირცხულავა - „ქართული ოცნების“ მცდელობები, მოჩვენებითად თუ საქმით დაანახონ დასავლეთს, რომ „ჩვენ
