"ლელო" და გახარიას პარტია მაჟორიტარობის კანდიდატებს წარადგენენ
25.08.2025 ნახვები: 217
თვითმართველობის არჩევნებში მონაწილე ორი ოპოზიციური პარტია მაჟორიტარობის კანდიდატებს არჩევს. დღეს ბოლო კონსულტაციები გაიმართა. "ლელო" და გახარიას პარტია თბილისში შეთანხმებულ კანდიდატებს წარადგენენ.
ამ დროისთვის უცნობია, იქნებიან თუ არა არაპარტიული პირები. შეხვედრის შემდეგ ოპოზიციამ თქვა, რომ თუ 4 ოქტომრის არჩევნებზე დედაქალაქში რეგისტრირებული მოქალაქეების უმრავლესობა მივა საარჩევნო უბნებზე, ივანიშვილის რუსულ ხელისუფლებას ოპოზიცია დაამარცხებს.
გუნდები ერთობლივად იმოქმედებენ ამ ქალაქის, თბილისის მოსახლეობის ინტერესებისთვის, ზრუნვისთვის და იმისთვის, რომ ივანიშვილს გავაწნათ სილა და დავამარცხოთ თბილისში. ფაქტობრივად დამტკიცებულია, რომ თბილისი არის პროდასავლური, პროევროპული ოპოზიციური ქალაქი, რაც კიდევ ერთხელ უნდა დაამტკიცონ თბილისელებმა და თბილისმა, როგორც დედაქალაქმა, რომელიც უარს ეუბნება რუსულ რეჟიმს, - ამბობს "ძლიერი საქართველოს" ერთ-ერთი ლიდერი და თბილისის მერობის კანდიდატი ირაკლი კუპრაძე.
ტვ პირველი
