მელიქიშვილის გამზირზე დაშავებულ აქციის მონაწილეებს სასწრაფო სამედიცინო დახმარების ექიმები დახმარებას უწევენ.
როგორც თავად აცხადებენ, დაზიანებები „ქართული ოცნების“ მხარდამჭერებმა მიაყენეს. მათივე ინფორმაციით, ფიზიკური დაპირისპირებისას აქციის 10-ზე მეტი მონაწილე დაშავდა. არსებულიი ინფორმაციით, რამდენიმე დაშავებული, რომლებსაც თავზე და ხელზე აღენიშნებათ დაზიანებები, ინგოროყვას კლინიკაში გადაიყვანეს.
შეგახსენებთ, მელიქიშვილის გამზირზე, კახა კალაძის საარჩევნო შტაბთან ხმაური და დაპირისპირება იყო. აქციის მონაწილეების განცხადებით, მათ „ქართული ოცნების“ ახალგაზრდული ფრთის წარმომადგენლები ფიზიკურად გაუსწორდნენ.
„როცა მოვედით, არ იყო პოლიცია. მხოლოდ აქტივისტები და „ქართული ოცნების“ მხარდამჭერები ვიყავით“, - აცხადებს აქციის ერთ-ერთი მონაწილე.
