შინაგან საქმეთა მინისტრი, ვახტანგ გომელუარი აცხადებს, რომ საქართველოს საზღვარზე უსაფრთხოება "მაქსიმალურად კონტროლდება". მისი თქმით, უკრაინაში ომის დაწყებიდან 13 დღეში საქართველოში რუსეთის 20 000-ზე მეტი მოქალაქე შემოვიდა.
"იყო ხშირი საუბარი, თითქოსდა უპრეცედენტოდ მოიმატა რუსეთის მოქალაქეების შემოსვლამ საქართველოში. ეს არ არის მართალი. 2020-ში დაკეტილი იყო მთლიანად [საზღვარი] 2019-ს თუ შევადარებთ, არის დაახლოებით 70% შემოსული, რაც მაშინ შემოდიოდა, იმაზე ნაკლებია. ომის დაწყებიდან დღემდე, 13 დღის განმავლობაში არის 20 000 ადამიანზე ცოტა მეტი, 20 100 რაღაცა შემოსული, მაშინ როცა, 2019-ში შემოსული იყო 40 000, ანალოგიურ პერიოდში", - ამბობს ვახტანგ გომელუარი.
მისივე თქმით, შემოსულებიდან დაახლოებით 3 000 მოქალაქეა, რომელიც შემოვიდა და ჯერ არ გასულა ქვეყნიდან.
"დივერსანტების შემოპარვა სხვა თემაა საერთოდ, ღიად ვერ ვიტყვი რას ვაკეთებთ და როგორ ვაკეთებთ, აქტიურად ვმუშაობთ", - განაცხადა გომელაურმა
