71 წლის ექიმი გიორგი ჩახუნაშვილი ზაჰესის იზოლატორში გადაიყვანეს. სოციალურ ქსელში კი ვრცელდება აკადემიკოსის დაკავების ამსახველი ვიდეო ვრცელდება, სადაც ცნობილი მედიკოსი მის დასაკავებლად მისულ პოლიციელებს მიმართავს:
"შვილო, შენთან რა მაქვს პრეტენზია, ის 350 000 ოჯახი გააკეთებს დასკვნას, ვინც მე უფასოდ გავინჯე".
ვიდეოში, რომელიც ექიმის მეუღლემ გადაიღო, გიორგი ჩახუნაშვილი ახალგაზრდებს მიმართავს და ამბობს: "საქართველო აუცილებლად იქნება ევრო-ატლანტიკური დიდი ოჯახის წევრი".
„არ ვეთანხმები [წარდგენილ ბრალს]. მივყვები [პოლიციას]. არაფერი გულდასაწყვეტი არ არის. გასაგებია. სამშობლო მიყვარდა დღემდე. დღესაც მიყვარს და ხვალაც მეყვარება“...
„მშვიდობიანი აქცია იყო ისა, არავის არაფრის გადატრიალება და გადმოტრიალება არ უნდოდა, ამას არ ვეთანხმები... ის 350 000 ოჯახი, რომელიც მე მყავს უფასოდ გასინჯული, თავის დასკვნებს გააკეთებს“...
„ბავშვებო, ახალგაზრდებო, არაფერი არ არის დაგვიანებული... საქართველო აუცილებლად იქნება ევრო-ატლანტიკური დიდი ოჯახის წევრი. თქვენ რა შუაში ხართ. გასაგებია“, - ეუბნება ექიმი ჩახუნაშვილი პოლიციელებს.ტვ. პირველი
