წალენჯიხის მუნიციპალიტეტის მერმა გუბა საჯაიამ დღეს მოქალაქეთა მიღება გამართა. მერის მიერ მოქალაქეთა მიღების დღედ ოთხშაბათი განისაზღვრა, თუმცა, საჭიროების შემთხვევაში, წალენჯიხის მუნიციპალიტეტის მერი, მერის მოადგილეები და შესაბამისი სამსახურები მოქალაქეებს ყოველდღე იღებენ.
შეხვედრაზე მოქალაქეებმა მერს მათთვის მნიშვნელოვანი, პრობლემური საკითხები პირადად გააცნეს. მომართვიანობა ძირითადად ჯანდაცვისა და სოციალურ საკითხებს შეეხებოდა.
მსგავსი ფორმატის კომუნიკაცია, კიდევ უფრო მეტად, გაამარტივებს საზოგადოების წინაშე არსებული საჭიროებების გამოვლენას, მათზე დროულ რეაგირებას და შესაბამისი პროცესის ეფექტურად მართვას.
