ევროპას, უკრაინასა და აშშ-ს შორის ერთობა მნიშვნელოვანია, - ამის შესახებ უკრაინის პრეზიდენტმა, ვოლოდიმირ ზელენსკიმ ლონდონში, ევროპელ ლიდერებთან შეხვედრის დაწყებამდე მედიას განუცხადა.
ვოლოდიმირ ზელენსკიმ დიდი ბრიტანეთის პრემიერ-მინისტრ კირ სტარმერს, საფრანგეთის პრეზიდენტ ემანუელ მაკრონსა და გერმანიის კანცლერ ფრიდრიხ მერცს შეხვედრის ორგანიზებისთვის მადლობა გადაუხადა.
„დღეს ძალიან მნიშვნელოვან საკითხებს განვიხილავთ. ევროპას, უკრაინასა და აშშ-ს შორის ერთობა მნიშვნელოვანია. ვფიქრობ, მსგავსი შეხვედრის ორგანიზება ძალიან მნიშვნელოვანია“, - განაცხადა უკრაინის პრეზიდენტმა.
გერმანიის კანცლერის, ფრიდრიხ მერცის თქმით, „აშშ-დან წამოსულ დოკუმენტებში არსებული ზოგიერთი დეტალის მიმართ სკეპტიკურად არის განწყობილი“.
„შესაძლოა, ეს ყველა ჩვენგანისთვის გადამწყვეტი დრო იყოს, ამიტომ ვდილობთ უკრაინის მხარდაჭერის გაგრძელებას. უკრაინის ბედი ევროპის ბედს წარმოადგენს“, - აღნიშნა მერცმა.
ამასთან, საფრანგეთის პრეზიდენტმა, ემანუელ მაკრონმა განაცხადა, რომ „რუსეთის ეკონომიკა უკვე ზარალს განიცდის“.
„ეს განსაკუთრებით ბოლო სანქციების შემდეგ ხდება. ჩვენ ხელთ ძალიან ბევრი „კარტი“ გვაქვს“, - განაცხადა საფრანგეთის პრეზიდენ
