წალენჯიხის მერი, გუბა საჯაია, მუნიციპალიტეტის მოსახლეობას ახალ წელს ულოცავს.
ძვირფასო წალენჯიხელებო,
გილოცავთ დამდეგ შობა-ახალ წელს და გისურვებთ, მშვიდობას და განვითარებას.
ახალ, 2026 წელს მოეტანოს ჯანმრთელობა, სიხარული და მეტი კეთილდღეობა.
განსაკუთრებულად ვულოცავ იმ ადამიანებს, რომლებიც დღესასწაულის დღეებშიც აგრძელებენ თავდადებულ შრომას - სამედიცინო სფეროს, სამართალდამცავი სტრუქტურების წარმომადგენლებს, ყველას, ვინც ყოველდღიურად ზრუნავს საზოგადოების უსაფრთხოებასა და კეთილდღეობაზე.
მჯერა, ერთიანობით, შრომითა და საერთო მიზნებისკენ მიმართული ძალისხმევით შევძლებთ ჩვენი მუნიციპალიტეტის კიდევ უფრო განვითარებას.
არაერთი მნიშვნელოვანი პროგრამა და პროექტი იგეგმება, რომელთა განხორციელება წალენჯიხის მოსახლეობის ცხოვრების ხარისხის გაუმჯობესებას ისახავს მიზნად.
კიდევ ერთხელ გილოცავთ დამდეგ შობა-ახალ წელს და გისურვებთ, 2026 წელი იყოს ეროვნული ერთიანობის, მშვიდობისა და წარმატებების წელი.
პატივისცემით, გუბა საჯაია
წალენჯიხის მუნიციპალიტეტის მერი.
