ჩვენ ოფიციალურად გადავედით ღაზის 20-პუნქტიანი სამშვიდობო გეგმის შემდეგ ფაზაში, – ამის შესახებ აშშ-ის პრეზიდენტი დონალდ ტრამპი სოციალურ ქსელში წერს.
ტრამპის თქმით, როგორც მშვიდობის საბჭოს თავმჯდომარე, ის მხარს უჭერს პალესტინის ახლად დანიშნულ ტექნოკრატიულ მთავრობას.
„როგორც სტივ უიტკოფმა გამოაცხადა, ჩვენ ოფიციალურად გადავედით ღაზის 20-პუნქტიანი სამშვიდობო გეგმის შემდეგ ფაზაში! ცეცხლის შეწყვეტის შემდეგ, ჩემმა გუნდმა ხელი შეუწყო ღაზაში ჰუმანიტარული დახმარების რეკორდული რაოდენობის მიწოდებას, ისტორიული სიჩქარითა და მასშტაბით. გაერო-მაც კი აღიარა ეს მიღწევა უპრეცედენტოდ. ამ შედეგებმა საფუძველი ჩაუყარა ამ შემდეგი ფაზის განვითარებას. როგორც მშვიდობის საბჭოს თავმჯდომარე, მე მხარს ვუჭერ პალესტინის ახლად დანიშნულ ტექნოკრატიულ მთავრობას, ღაზის ადმინისტრაციის ეროვნულ კომიტეტს, რომელსაც მხარს უჭერს საბჭოს უმაღლესი წარმომადგენელი, რათა ღაზა გარდამავალი პერიოდის განმავლობაში მართოს. ეს პალესტინელი ლიდერები ურყევად ერთგულნი არიან მშვიდობიანი მომავლის!“- წერს ტრამპი.
ამასთან, აშშ-ის პრეზიდენტი წერს, რომ აშშ ეგვიპტის, თურქეთისა და კატარის მხარდაჭერით, უზრუნველყოფს „ჰამასთან“ დემილიტარიზაციის ყოვლისმომცველ შეთანხმებას, მათ შორის ყველა იარაღის ჩაბარებას.
„ჰამასმა“ დაუყოვნებლივ უნდა შეასრულოს თავისი ვალდებულებები, მათ შორის საბოლოო ცხედრის ისრაელში დაბრუნება და დაუყოვნებლივ დაიწყოს სრული დემილიტარიზაცია. როგორც ადრეც ვთქვი, მათ შეუძლიათ ამის გაკეთება მარტივი ან რთული გზით. ღაზის მოსახლეობამ საკმარისად დიდხანს იტანჯა. ახლა არის დრო“, – წერს ტრამპი.
