აშშ-ის პრეზიდენტმა, დონალდ ტრამპმა განაცხადა, რომ ვლადიმერ პუტინმა პირობა შეასრულა და ერთი კვირის განმავლობაში უკრაინის ქალაქებზე იერიში არ მიუტანია.
„ეს იყო კვირიდან კვირამდე, ყველაფერი გაიხსნა და მან გუშინ ღამით ძლიერი დარტყმა განახორციელა“, – განაცხადა ტრამპმა ოვალურ კაბინეტში, როდესაც მას გუშინ განხორციელებული რუსული თავდასხმის შესახებ ჰკითხეს.
ტრამპის თქმით, პუტინი არ არღვევდა თავის ვალდებულებას უკრაინის დედაქალაქზე ახალი თავდასხმების განხორციელებით.
„მან პირობა შეასრულა. ეს ბევრს ნიშნავს. იცით, ერთი კვირა არის – ჩვენ ყველაფერს მივიღებთ, რადგან იქ ძალიან, ძალიან ცივა, მაგრამ ეს კვირა იყო და კვირიდან კვირამდე გაგრძელდა“, – განაცხადა ტრამპმა.
აშშ-ის პრეზიდენტის თქმით, ისურვებდა, რომ პუტინს პაუზა გაეგრძელებინა.
„მე ამას ვისურვებდი. მინდა, რომ მან ომი დაასრულოს“, – განაცხადა ტრამპმა.
