აშშ-მა ირანში ფართომასშტაბიანი საბრძოლო ოპერაცია დაიწყო, - ამის შესახებ განცხადებას აშშ-ის პრეზიდენტი, დონალდ ტრამპი ავრცელებს.
აშშ-ის პრეზიდენტის განცხადებით, ოპერაციის მიზანი ირანის ბირთვული და სარაკეტო პროგრამების განადგურებაა.
“ირანი მსოფლიოში ტერორიზმის უდიდესი სპონსორია. მათ არასდროს ექნებათ ბირთვული იარაღი. კიდევ ერთხელ ვიტყვი - მათ არასდროს ექნებათ ბირთვული იარაღი.
ირანი აწარმოებს რაკეტებს, რომლებიც საფრთხეს უქმნის აშშ-ს - ჩვენ ვაპირებთ მისი რაკეტების განადგურებას და მისი სარაკეტო ინდუსტრიის სრულად განადგურებას.
ჩვენ გავანადგურებთ ირანის ფლოტს, ჩვენ უზრუნველვყოფთ, რომ ირანს არ ჰქონდეს ბირთვული იარაღი. ჩვენ ყველა ზომა მივიღეთ ამერიკული ძალებისთვის რისკის შესამცირებლად, მაგრამ შესაძლოა გვქონდეს მსხვერპლი და დანაკარგები.
ისლამური რევოლუციის გუშაგთა კორპუსს, შეიარაღებულ ძალებს და მთელ პოლიციას, დღეს საღამოს ვეუბნები, რომ თქვენ უნდა დადოთ იარაღი და მიიღოთ სრული იმუნიტეტი, ან ალტერნატიულად, გარდაუვალი სიკვდილის წინაშე აღმოჩნდებით. ასე რომ, დადეთ იარაღი, თქვენ სამართლიანად მოგექცევიან სრული იმუნიტეტით, ან გარდაუვალი სიკვდილის წინაშე აღმოჩნდებით,” - აღნიშნავს ტრამპი.
