ხვიჩა კვარაცხელიამ დუბლი ჩაიწერა და „პარი სენ-ჟერმენს“ ჩემპიონთა ლიგის პლეი ოფში „ჩელსის“ დამარცხებაში დაეხმარა – 5:2.
ევროპის მთავარი საკლუბო ტურნირის 1/8-ფინალის პირველი თამაში დაძაბული გამოდგა – პარიზელები ორჯერ დაწინაურდნენ ბარკოლას (10 წუთზე) და დემბელეს (40) გოლებით, მაგრამ ინგლისელებმა ორივეჯერ გაათანაბრეს. ლონდონელებიდან თავი გუსტომ (28) და ფერნანდესმა (57) გამოიჩინეს.
კვარაცხელია მოედანზე 62-ე წუთზე გამოჩნდა და თამაში შეცვალა. 74-ე წუთზე ქართველი ვარსკვლავის გადაცემით ვიტინიამ პარიზელები ისევ წინ გაიყვანა, ხოლო 86-ე და 90+3-ე წუთებზე ხვიჩამ დუბლი შეასრულა და მატჩის გმირი გახდა. მას ლიგაზე 6 გოლი და 4 შედეგიანი გადაცემა მოუგროვდა.
ჩემპიონთა ლიგის პლეი ოფის საპასუხო შეხვედრა „ჩელსისა“ და „პარი სენ-ჟერმენს“ შორის ლონდონში 17 მარტს გაიმართება.
