ზელენსკი რუსეთის მასშტაბური თავდასხმის შემდეგ პარტნიორებს საჰაერო თავდაცვის შესახებ შეთანხმებების შესრულებისკენ მოუწოდებს
ზაზა ბიბილაშვილი: სასამართლო არ გვაძლევს შესაძლებლობას, ყველა ბრალდებას მტკიცებულებების დონეზე ვუპასუხოთ – ეს სამართლიანი სასამართლოს უფლების შელახვაა
საკონსტიტუციო სასამართლოს თავმჯდომარემ ზაზა ბიბილაშვილი სხდომიდან გააძევა – ნადარაიამ ის წესრიგის დარღვევაში დაადანაშაულა
Euronews: უნგრეთი უკრაინის ევროკავშირში გაწევრიანების შესახებ მოლაპარაკებებზე ვეტოს მოხსნის
გუგა ქაშიბაძე: ფონიჭალაში აფეთქების შედეგად დაშავებული 31 წლის მამაკაცის მდგომარეობა კვლავ უმძიმესია – პაციენტი მართვით სუნთქვაზე იმყოფება
ფონიჭალაში აფეთქების შედეგად დაშავებული 3 და 11 წლის ბავშვების მდგომარეობა დამაკმაყოფილებელია – მკურნალობის პროცესში ფსიქოლოგები ჩაერთნენ
ფონიჭალაში მომხდარი ტრაგედიის გამო 22 ნოემბერი საქართველოში გლოვის დღედ გამოცხადდა
სი ძინპინმა, ტრამპმა და პუტინმა, ერთობლივი დეკლარაცია მიიღეს – „ბირთვულ ომში გამარჯვებული ვერავინ იქნება“

მარკ რუტე – ნატო ახალ ეტაპზე გადავიდა, ევროპა თავდაცვაში უპრეცედენტო ინვესტიციებს ახორციელებს

ნახვები: 336 მარკ რუტე – ნატო ახალ ეტაპზე გადავიდა, ევროპა თავდაცვაში უპრეცედენტო ინვესტიციებს ახორციელებს

ნატო-ს გენერალური მდივნის, მარკ რუტეს განცხადებით, გასული წლის სამიტი თავდაცვითი გეგმების, ფინანსური ვალდებულებების, სამხედრო ინდუსტრიის განვითარებისა და უკრაინის მხარდაჭერის საკითხებს დაეთმო, ხოლო წლევანდელი სამიტის მთავარი მიზანი ამ გადაწყვეტილებების პრაქტიკაში განხორციელებაა.

როგორც ალიანსის გენერალურმა მდივანმა ანკარაში ნატო-ს ლიდერების პლენარული შეხვედრის წინ გამართულ ბრიფინგზე განაცხადა, 2025-2026 წლებში ევროპელმა და კანადელმა მოკავშირეებმა თავდაცვაზე დამატებით 258 მილიარდ დოლარს დახარჯეს, რაც უპრეცედენტო მოცულობის ინვესტიციაა.

„ჩვენ ეს ინვესტიციები იმიტომ არ გვჭირდება, რომ ომები ვაწარმოოთ. გვჭირდება იმისთვის, რომ იმდენად ძლიერები ვიყოთ, რათა ვერავინ გაბედოს ჩვენზე თავდასხმა“, – განაცხადა რუტემ.

რუტეს თქმით, სამიტის პირველ დღეს უკვე გაფორმდა არაერთი ახალი ხელშეკრულება და აღებული იყო მნიშვნელოვანი ვალდებულებები, რაც, მისი თქმით, თავდაცვითი ინდუსტრიის გაძლიერებას შეუწყობს ხელს.

„პრეზიდენტმა ტრამპმა საბოლოოდ შეძლო იმის გაკეთება, რასაც ეიზენჰაუერის შემდეგ ამერიკის პრეზიდენტები ცდილობდნენ, რაც ევროპასა და შეერთებულ შტატებს შორის თავდაცვის ხარჯების გათანაბრება იყო. ეს ახლა ხდება. წელს უკვე ოთხ პროცენტს მივაღწიეთ, რაც საოცარია. რა თქმა უნდა, არა მხოლოდ პრეზიდენტ ტრამპის, არამედ რუსული საფრთხის გამო. მაგრამ მოდით, ვიყოთ გულახდილები, პრეზიდენტ ტრამპის მიერ ევროპელი მოკავშირეებისა და კანადის წახალისება ამის გაკეთებაში ნამდვილად დაგვეხმარა და მას შედეგიც მოაქვს. ვფიქრობ, ეს ძალიან მნიშვნელოვანია“, – განაცხადა რუტემ.

რუტემ ასევე აღნიშნა, რომ სამიტზე განხილვის ერთ-ერთი მთავარი საკითხი ირანი იქნება. მისი თქმით, მოკავშირეები კიდევ ერთხელ დაადასტურებენ პოზიციას, რომ ირანს ბირთვული იარაღის მოპოვების შესაძლებლობა არ უნდა მიეცეს. გარდა ამისა, ნატო-ს გენერალური მდივნის განცხადებით, სასიცოცხლოდ მნიშვნელოვანია ჰორმუზის სრუტეში თავისუფალი ნაოსნობის სრულად აღდგენა.

ნატოს გენერალური მდივნის თქმით, ირანზე აშშ-ის ახალი თავდასხმები აუცილებელი იყო.

„როდესაც ცეცხლის შეწყვეტის შეთანხმება არსებობს და ირანი ფაქტობრივად არღვევს მას, ვფიქრობ, აშშ-ს ძალისმიერი რეაგირება ძალიან მნიშვნელოვანია“, – განაცხადა რუტემ.

ყველას ნახვა
ყველას ნახვა
ყველას ნახვა