უკრაინის საგარეო საქმეთა მინისტრი დმიტრო კულება უფრო ფართომასშტაბიანი ომის ასარიდებლად უკრაინისთვის დამატებითი იარაღის მიწოდებას ითხოვს.
აღნიშნულის შესახებ დმიტრო კულება „ტვიტერში" წერს.
„მათთვის, ვისაც საზღვარგარეთ ეშინია, რომ „მესამე მსოფლიო ომში იქნება ჩათრეული", უკრაინა წარმატებით იბრძვის. ჩვენ გვჭირდება, რომ ბრძოლაში დაგვეხმაროთ. მოგვაწოდეთ ყველა საჭირო იარაღი. დაუწესეთ რუსეთს მეტი სანქციები და მოაქციეთ სრულ იზოლაციაში. დაეხმარეთ უკრაინას, განაცდევინოს პუტინს მარცხი და თავიდან აიცილებთ უფრო ფართომასშტაბიან ომს", - განაცხადა დმიტრო კულებამ.
