უკრაინის პრეზიდენტის აპარატის უფროსის მრჩეველი ალექსეი არესტოვიჩი აცხადებს, რომ ბელარუსელ სამხედროებს უკრაინის წინააღმდეგ საომარ მოქმედებებში მონაწილეობის მიღება არ სურთ.
„ბელარუსის მთავრობა მუდმივად აფასებს მორალურ-ფსიქოლოგიურ მდგომარეობას. მათივე მონაცემების მიხედვით, სამხედროების 60% უკრაინის წინააღმდეგ შესაძლო ოპერაციას ნეგატიურად აფასებს", - განაცხადა არესტოვიჩმა.
არესტოვიჩის თქმით, ბელარუსელი სამხედროები დაძალების შემთხვევაშიც კი, ძლევამოსილების მაგალითს არ გამოავლენენ.
„ისინი ან ნეიტრალური იქნებიან, ან ძალიან ცუდად იბრძოლებენ, ან საერთოდ ჩვენს მხარეს გადმოვლენ", - განაცხადა არესტოვიჩმა.
