ნატო-ს გენერალურმა მდივანმა იენს სტოლტენბერგმა ნატო-ს სამიტის შემდეგ გამართულ პრესკონფერენციაზე საქართველოსა და ბოსნია-ჰერცეგოვინის მხარდაჭერის შესახებ ისაუბრა.
მისი თქმით, ევროკავშირთან ერთად, ნატო უნდა დაეხმაროს ამ ქვეყნებს სუვერენიტეტის დაცვაში.
„მოკავშირეები შეთანხმდნენ, რომ ჩვენ ასევე უნდა გავზარდოთ ჩვენი მხარდაჭერა სხვა პარტნიორების მიმართ, რომლებიც რისკის ქვეშ არიან რუსეთის ჩარევის გამო, მათ შორის საქართველოს და ბოსნია-ჰერცეგოვინის მიმართ. ჩვენ, ევროკავშირთან ერთად, უნდა დავეხმაროთ მათ სუვერენიტეტის დაცვასა და მათი გამძლეობის გაძლიერებაში", - განაცხადა იენს სტოლტენბერგმა.
