დიდი ბრიტანეთი რუსული გაზის საფასურს რუბლებში არ გადაიხდის.
როგორც „ბიბისი" იტყობინება, ამის შესახებ დიდი ბრიტანეთის პრემიერ-მინისტრის ბორის ჯონსონის ოფისში განაცხადეს.
ამასთან, პრემიერის ოფისის წარმომადგენელმა აღნიშნა, რომ დიდი ბრიტანეთი აკვირდება ევროპულ ბაზარზე არსებულ ვითარებას.
„ბიბისი" წერს, რომ მანამდე რუსული გაზის რუბლებში გადახდაზე უარი განაცხადეს გერმანიამ და საფრანგეთმა.
