უკრაინის პრეზიდენტი ვოლოდიმირ ზელენსკი უკრაინის ქალაქ ბუჩადან რუსეთის შეიარაღებული ძალების გასვლის შემდეგ ქალაქში გადაღებულ ფოტოებს აქვეყნებს.
ზელენსკი სოციალურ ქსელში წერს, რომ რუსი სამხედროების დედებს ურჩევს, ფოტოები ნახონ.
„ბუქარესტი, ნატო-ს სამიტის დეკლარაცია. 3 აპრილი, 14 წლის წინ. იყო თავიდან აცილების შანსი, რომ რუსეთი არ მოსულიყო. ბუჩა, კიევის ოლქი. ახლა რუსეთი მოვიდა. რუსი სამხედროების დედებს ვურჩევ, რომ ნახონ. ნახეთ, როგორი ნაძირლები გაზარდეთ. მკვლელები, მაროდიორები, ჯალათები", - წერს ვოლოდიმირ ზელენსკი.
უკრაინის ქალაქ ბუჩადან რუსეთის შეიარაღებული ძალების გასვლის შემდეგ, ქალაქში მშვიდობიანი მოქალაქეების ცხედრები იპოვეს.
