უკრაინის საგარეო საქმეთა მინისტრი, დმიტრო კულება აცხადებს, რომ დღეს ბრიუსელში NATO-ს ლიდერებთან უკრაინისთვის ყველაზე მნიშვნელოვან საკითხს- იარაღს განიხილავს.
კულება აცხადებს, რომ უკვე შეხვდა NATO-ს გენერალურ მდივანს, იენს სტოლტენბერგს. ის ბრიუსელში ალიანსის საგარეო საქმეთა მინისტრებსა და პარტნიორებს შეხვდება.
"NATO-ს გენერალურ მდივანს იენს სტოლტენბერგს შევხვდი ბრიუსელში. მე აქ დღეს 3 ყველაზე მნიშვნელოვანი რამის განსახილველად მოვედი: იარაღი, იარაღი და იარაღი. უკრაინის მყისიერი საჭიროებები, მარაგების მდგრადი მიწოდება და გრძელვადიანი გადაწყვეტილებებია ის, რაც უკრაინას გამარჯვებაში დაეხმარება." - ტვიტერზე წერს უკრაინის საგარეო საქმეთა მინისტრი დმიტრო კულება.
