სატელიტურმა ფოტოებმა აჩვენა რუსების სამხედრო კოლონა, რომელიც ხარკივისკენ მიემართება.
CNN-ის ცნობით, ფოტოები 8 აპრილს უკრაინის აღმოსავლეთით მდებარე ქალაქ ველიკი ბურლუკ-შია გადაღებული. ქალაქი ხარკივს აღმოსავლეთით ესაზღვრება.
კოლონის სიგრძე 12 კილომეტრია.
ფოტოებზე ჩანს ჯავშანტექნიკა, ტანკები, არტილერია და დამხმარე აღჭურვილობა.
უკრაინის ოფიციალური პირები აცხადებენ, რომ ქვეყნის აღმოსავლეთით რუსულ ჯართან დიდი ბრძოლები და რუსეთის მხრიდან დაბომბვებია მოსალოდნელი.
8 აპრილს უკრაინის თავდაცვის სამინისტროს სადაზვერვო სამსახურის უფროსმა CNN-ს უთხრა, რომ რუსულ ჯარში გადაჯგუფებები მიმდინარეობს - ისინი რუსეთ-უკრაინის საზღვართან ინაცვლებენ და ხარკივზე შეტევას გეგმავენ. მათივე განცხადებით, მთელი რუსული არმიის ფოკუსი სამხრეთ და აღმოსავლეთ უკრაინაზე გადავა.
უკრაინაში რუსეთის შეჭრის შემდეგ თავდამსხმელი ქვეყნის 64-კილომეტრიანი სამხედრო კოლონა, რომელიც ტანკებისგან, ჯავშანტექნიკისგან და არტილერიისგან შედგებოდა და დედაქალაქ კიევისკენ მიემართებოდა, უკრაინულმა არმიამ გაანადგურა.
