რუსეთის საგარეო საქმეთა მინისტრი, სერგეი ლავროვი აცხადებს, რომ უკრაინასთან მოლაპარაკების დროს საბრძოლო მოქმედებებში პაუზა არ იქნება.
მისი თქმით, რუსეთი უპირატესობას დიალოგს ანიჭებს.
„პრეზიდენტმა არაერთხელ ხაზგასმით აღნიშნა, რომ ჩვენ უპირატესობას ვანიჭებთ დიალოგს. მოლაპარაკებების პირველი რაუნდის დროს, როდესაც უკრაინულმა მხარემ შემოგვთავაზა და ჩვენც დავთანხმდით შეხვედრაზე, პრეზიდენტმა გასცა ბრძანება საომარი მოქმედებების შეჩერების შესახებ. მას შემდეგ დავრწმუნდით, რომ უკრაინელები არ გეგმავდნენ საპასუხო ქმედებას, მივიღეთ გადაწყვეტილება, რომ მოლაპარაკებების შემდეგი რაუნდის განმავლობაში არ იქნებოდა პაუზა, მანამდე ვიდრე საბოლოო შედეგი არ იქნება მიღწეული“, – განაცხადა ლავროვმა.
